Humadapnon, Bayani ng Hinilawod (Buod ng Epiko)

Si Humadapnon ay isa sa mga tauhan sa epikong Hinilawod, na nagmula sa mga tribo sa kanlurang Visayas (Panay). Siya ay isang prinsipe at anak ng diyos ng mga hangin at diyosa ng karagatan, at nanguna sa isang pangkat ng mga mandirigma sa kanilang paglalaban sa mga kaaway.

Sa kwento, sinasabing nais ni Humadapnon na magkaroon ng isang mapagmahal na asawa. Kaya naman, kasama ng kanyang mga kaibigan at mga sundalong mandirigma, naglakbay siya sa iba't ibang lugar upang hanapin ang kanyang inaasam.

Sa kanilang paglalakbay, nakatagpo sila ng dalawang magandang babae na nagngangalang Nagmalitong Yawa Sinagmaling Diwata at Ginmayohan Nalisdan. Naging interesado si Humadapnon sa dalawang babae, ngunit sa huli ay pumili siya kay Nagmalitong Yawa Sinagmaling Diwata upang maging kanyang asawa.

Ngunit hindi magaan ang kanilang pag-iibigan, dahil nagkaroon ng mga pagsubok at hamon sa kanilang relasyon. Kabilang sa mga ito ay ang pagdating ng isang malakas na kaaway na si Saragnayan, na nakipaglaban kay Humadapnon para sa pag-ibig ni Nagmalitong Yawa Sinagmaling Diwata.

Sa kabila ng mga hamon na ito, nagtagumpay si Humadapnon sa pagtitiwala sa kanyang mga kakampi at sa kanyang sariling kakayahan. Naging matapang siya sa laban at nagwagi sa huli laban kay Saragnayan. Sa kanyang pagkapanalo, napatunayan niya ang kanyang pagmamahal kay Nagmalitong Yawa Sinagmaling Diwata at sa huli ay nagsama sila bilang mag-asawa.

Bilang isang prinsipe at mandirigma, si Humadapnon ay naging modelo ng tapang, katapangan, at pagiging matapat sa kanyang kaharian at sa kanyang mga nasasakupan. Ang kanyang kuwento ay isang magandang halimbawa ng pag-ibig, pagtitiwala sa sarili, at pagkakaisa sa harap ng mga hamon at pagsubok ng buhay.

Narito ang Kwento sa Buod ng Epiko ng Humadapnon at Hinilawod

Ang mag-asawang Musod Burubalaw at Anggoy Ginbitinan ay may mga anak na lalaki.  Isa sa kanilang mga anak ay itinuturing na bayani ng mga Sulod Pagandra ng Panay Sentral.  Ito ay ang kanilang panganay na si Humadapnon.

Nang siya’y magbinata, iginayak niya ang kanyang sarili sa paglalakbay.  Nais niya’y matagpuan ang babaeng kanyang pakakasalan.  Ang babaeng nagngangalang Nagmalitong Yawa, nag-iisang anak nina Labaw at Viva Matanayon ng Ilog Hulanod ang siyang nagpatibok sa puso ni Humadapnon.  Kumuha muna siya ng maliit na patalim at sinugatan nito ang maliit na daliri.  Matapos iyon, siya ay naglakbay at nangyaring si Buyung Dumalaplap ang naging kapatid niya sa dugo.

Habang siya’y naglalayag sakay ng kanyang ginintuang bangka, isang hindi inaasahang lakas ang dumating.  Natangay ang kanyang ginintuang bangka.  Salamat na lamang at may dumating siyang kaibigang hindi nakikita kaya nakaiwas siya sa pagkakaipit sa dalawang malalaking bato.

Matapos ang trahedyang ito’y muling nagpatuloy sa paglalakbay si Humadapnon hanggang sa makarating siya sa dagat na ang tubig ay hindi gumagalaw, malagkit, maputik at maitim.  Matagal pa sana siyang aalis sa lugar na iyon ngunit muli na naman siyang tinulungan ng kanyang kaibigang di niya nakikita, na nagngangalang Saragudon.

Sa pagpapatuloy ng kanilang paglalakbay, narating nila ang lupain ng Taraban.  Ang lahat ng mga namumuno sa lugar na ito ay pawang babae na naggagandahan.  Sina Simalubay Hanginum, Simahuboli Hubunan at Sinaghating Bulawan.  Sa kagandahan ng magkapatid ay naakit si Humadapnon.  Isa rin ito sa dahilan kung bakit nananatili pa sila sa lugar na ito sa kabila ng pinagbantaan siya ng kapatid sa dugo na si Dumalaplap.  Nabilanggo siya rito ng halos pitong taon.  Sa kabutihang-palad, may nagligtas muli sa kanya.  Ito ay si Nagmalitong-Yawa na matapos siyang makawala ay bigla itong nawala.

Muli niyang ipinagpatuloy ang paghahanap kay Nagmalitong Yawa.  Napadaan siya sa isang madilim na lupain na kinakitaan ng mga kaluluwa ng kanyang mga ninunong yumao na.  Ang lupaing ito’y nagtataglay ng sampung ilog.  Lulan ng kanyang bangka, mula sa bulubunduking ito, nagkaroon sila ng paglalaban at agad naman niyang nagapi ang mga ito.  Mula sa ilog na ito ay nadako siya sa ilalim ng lupa at dito’y nakasagupa niya ang isang hayop na may walong ulo.  At nagapi niya ang hayop.  Sa maraming taon niyang paglalakbay, narating niya ang Ilog ng Holawod.  At dito niya nakita si Nagmalitong Yawa.  Ito ay kanyang pinakasalan.  Sa gitna ng pagdiriwang may dumating na isang grupo mula sa kalawakan.  Mabilis na kinuha si Nagmalitong Yawa at ito ay napatay.  Buong tapang na nakipagsagupa si Humadapnon sa pinuno ng grupo.  Sapagkat kapwa may angking lakas ay umabot sa pitong taon ang kanilang sagupaan.  Ipinaalam ni Launsina kay Humadapnon na kulang sa pag-iisip ang nakalaban ni Humadapnon sa Namurata sa himpapawid upang bigyan ng buhay si Nagmalitong Yawa.

Nang muling mabuhay si Nagmalitong Yawa ay saka nila napag-alaman na ang kalahating katawan nito ay napangasawa ni Amurutha at ang kalahati ay napangasawa ni Humadapnon.  Mula nang magkaliwanagan ay nanaog sina Humadapnon at Nagmalitong Yawa sa naging pinuno ng mga tao sa Sulod ng Panay.

Iba Pang mga Epiko

Rama at Sita (Buod ng Epiko)

Biag Ni Lam-Ang (Buod)

Para sa iba pang mga Alamat Bisitahin ang Philgizmo.com​

​